#Մունքումունք ակումբը «Քաղաքացիական հաբ» հկ-ի նախաձեռնությունն է, որով հակասրճարանային մշակույթը բերվեց Արցախ: Մենք Արցախում առաջին ու դեռևս միակ  հակասրճարանն ենք, որն ամբողջությամբ գործում է անվճար հիմունքներով, նպատակը՝ հետպատերազմյան Արցախում երիտասարդների համար հանգստի, ժամանցի և աշխատելու համար հարմար հասցե ունենալն է, որտեղ նրանք կայցելեն առանց  նախապայմանների ու պարտավորությունների:

 Մենք առաջարկում ենք   • անաղմուկ մթնոլորտ,  • արագ ինտերնետ,  • տաք սուրճ ու թեյ։

Հակասրճարանի այցելուները կարող են աշխատել մենակ կամ թիմով, մասնակցել կինոդիտումների կամ կազմակերպել սեփական կինոդիտումները, միջոցառումները, ցուցահանդեսները և այլն: Հակասրճարանի տրածքում ունենք գրադարան և խաղադարան: #Մունքումունքը գործում է երկուշաբթիից շաբաթ՝ 14:00-20:00-ն։