Սույն թվականի, հունվարի 19-21-ը «Քաղաքացիական հաբ» ՀԿ-ն ԹԻՀԿ-ի հետ համատեղ կազմակերպել է ֆորում, որի ընթացքում քննարկվել և մշակվել է ռազմավարություն «Քաղաքացիական հաբ» ՀԿ-ի հետագա անելիքների հետ կապված։ Քննարկումների արդյունքում որոշում կայացվեց վերաբացել «Քաղաքացիական հաբ» ՀԿ-ն և շարունակել գործունեությունը ՀՀ-ում։ Ինչպես նաև ֆորումի ընթացքում իրականացվել են տարբեր ոլորտային հանդիպում-քննարկումներ, մասնավորապես՝ ՀՀ միգրացիայի ծառայության պետ՝ Արմեն Ղազարյանի հետ իրականացվել է քննարկում՝ արցախահայերի կարգավիճակի, իրավական հարցերի և աջակցության ծրագրերի շուրջ։ հոգեբան՝ Սոնա Մանուսյանի հետ քննարկվել է հոգեբանական տրավմաների առաջացման պատճառները, ազդեցությունը և դրանց հաղթահարումը։ ԹԻՀԿ խորհրդի անդամ՝ Իզաբելլա Սարգսյանի հետ իրականացվել է քննարկում ՀՀ -ում քաղաքացիական հասարակության դերի և կարևորության հետ կապված։ «Թարգիր Լաո» փոդքասթի հաղորդավարներ՝ Կարպիս Փաշոյանի և Գոռ Մադոյանի հետ իրականացվել է քննարկում տարբեր թեմա

Օգոստոսի 14-ին, ժամը՝ 18։30֊ին «Քաղաքացիական հաբ» ՀԿ-ի իրավական դպրոցի շրջանակներում նախատեսվում է հանդիպում ԱՀ Մարդու իրավունքների պաշտպան Գեղամ Ստեփանյանի հետ «Արցախի հիմնախնդիրը միջազգային իրավունքի կոնտեքստում» թեմայի շրջանակներում։ Հաշվի առնելով իրավիճակը` միջոցառմանը մասնակցելու ենք հրավիրում բոլոր հետաքրքրված անձանց։

«Քաղաքացիական հաբ» ՀԿ գրասենյակում կայացել է հանդիպում-քննարկում ԱՀ Կրթության, Գիտության, Մշակույթի և Սպորտի Նախարարի տեղակալ, պատմաբան Լեռնիկ Հովհաննիսյանի հետ։Հանդիպման ընթացքում բանախոսը մանրամասն ներկայացրել է Արցախում մշակութային ժառանգության պահպանման հետ կապված իրավիճակը և քննարկվել է սույն թեմայով հանրապետությունում ծառացած խնդիրները։

Հուլիսի 8-ին, «Քաղաքացիական հաբ» ՀԿ գրասենյակում կայացել է հանդիպում-քննարկում Սարսանգի ջրամբարի շուրջ։ Քննարկմանը ներկա էին ներկայացուցիչներ՝ ԱՀ Բնապահպանության կոմիտեից ԱՀ Արտաքին գործերի նախարարությունից ԱՀ Մարդու Իրավունքների պաշտպանի գրասենյակից։ Հանդիպման ընթացքում խոսվել է Սարսանգի ջրամբարի հետ կապված հարցերից, առաջացած խնդիրներից և առհասարակ Արցախյան էկոհամակարգի առջև ծառացած մարտահրավերներից։

Քաղաքացիական հաբ ՀԿ-ում ընթանում են բանավեճի և հաղորդակցման հմտությունների դասընթացները ! Դասընթացի ընթացքում մասնակիցները ծանոթանում են բանավեճի և բանակցությունների հիմնական տեսակներին, զարգացնում իրենց բանավիճելու ու բանակցելու կարողությունները։ Հնարավորություն են ունենում մասնակցելու գործնական բանավեճերի` համաշխարհային բանավեճերի առաջնության ֆորմատով և բանակցությունների դերախաղերի, որոնք հիմնված են իրական բանակցությունների ձևաչափերի մոդելների վրա։ Դասընթացներն ընթանում են հնարավորինս պրակտիկ և ինտերակտիվ, մասնակիցների ակտիվ հարցադրումներով:

2023թ. Մարտի 1-ին Քաղաքացիական հաբը կազմակերպեց Պանելային քննարկում՝ Արցախի Հանրապետությունում ներկայացվող Սահմանադրական փոփոխությունների վերաբերյալ։ Քննարկման մասնակիցներն են՝ ԱԺ պատգամավոր Արևիկ Պետրոսյանը, ԱրՊՀ ուսանող Աստղիկ Բաբայանը, Երիտասարդների միավորում հանուն արդարության ՀԿ նախագահ՝ Սնեժաննա Թամրազյանը։

Բանախոս՝ Քաղաքագետ Թևան Պողոսյան ԹԵՄԱՆ` Քաղաքական իրավիճակը և հնարավոր զարգացումները Արցախում:

Հանդիպում-քննարկում՝ ԱրՊՀ դասախոս, Պ.Գ.Թ. դոցենտ Նունե Սարումյանի հետ։ Թեման՝ ՀԱՄԵՄԱՏՈՒԹՅՈՒՆ 1990-ականներում և այսօր 2023թ-ի դրությամբ տիրող իրավիճակների միջև՝ շեշտելով հումանիտար աղետից առաջացած դժվարությունները։

Քննարկում հոգեբան, մանկավարժ, ԱրՊՀ պրոֆեսոր, ԼՂՀ գիտության վաստակավոր գործիչ Արզիկ Մխիթարյանի հետ։ Թեման՝ ՀԱՄԵՄԱՏՈՒԹՅՈՒՆ 1990-ականներում և այսօր 2023թ-ի դրությամբ տիրող իրավիճակների միջև՝ շեշտելով հումանիտար աղետից առաջացած դժվարությունները։

2022թ. նոյեմբերի 24-ին Քաղաքացիական հաբ ՀԿ և Առաքելություն Հայաստան ԲՀԿ Արցախի մասնաճյուղը ներկայացրեցինին համատեղ աշխատանքը՝ Արցախի Հանրապետության դեմ ռազմական ագրեսիայից տուժած անձանց սոցիալական իրավունքների հասանելիության վերաբերյալ զեկույցը։ Քննարկմանը ներկա էին Արցախի Հանրապետության կառավարությունից, տեղական ինքնակառավարման մարմիններից, քաղաքացիական հասարակությունից ներկայացուցիչներ։ Ներկայացվեց հետազոտության ժամանակ վեր հանված մի շարք խնդիրներ, քննարկվեց դրանց լուծման հնարավոր մեխանիզմները։ Զեկույցի նպատակն էր ուսումնասիրել ԱՀ դեմ ռազմական ագրեսիայից տուժած անձանց սոցիալական իրավունքների հասանելիությունը՝ հիմնվելով նույնանուն հետազոտությունից ստացած արդյունքների վրա:Հետազոտության արդյունքները հնարավորություն են տվել ստանալ ամփոփ պատկեր՝ նկարագրելով թեմային առնչվող միջազգային և տեղական իրավական շրջանակը, դրանց միջոցով առաջարկվող պաշտպանության և սոցիալական աջակցության մեխանիզմները՝ համադրելով ԱՀ դեմ ռազմական ագրեսիայից տուժած անձանց, ոլորտային ՀԿ-ների ներկայացուցիչների տեսակների