Ցանկանում եք ունենալ կայուն ՀԿ «Քաղաքացիական հաբ» ՀԿ-ն առաջարկում է երկօրյա դասընթաց հենց ձեզ համար Թեման՝ Դրամաշնորհային ծրագիր-առաջարկի կազմում և ֆոնդհայթայթում Օրը՝ հունիսի 14, 15 Ժամը՝ 10:00 - 16:00 Վայրը՝ Սարյան 12, 5-րդ հարկ, ԹԻՀԿ գրասենյակ. Դասընթացի ընթացքում կհասկանանք ինչպես ՃԻՇՏ գրել ծրագրի առաջարկ, որոնք են այն հիմնական կանոնները, որոնց պետք է հետևենք. Նաև ուշադրություն կհատկացնենք ծրագրի բյուջեին, հասկանալու վերջինիս կառուցվածքն ու բաղադրիչները։ Դասընթացի երկրորդ հատվածում կներկայացվի քրաուդֆանդինգը որպես ֆինանսական միջոցների հայթայթմանտեսակ, որը կխթանի ՀԿ-ների հմտությունների ու կարողությունների զարգացմանը ֆոնդհայթայթման բնագավառում։ Դասընթացը նախատեսված է ԱՐՑԱԽՅԱՆ ՀԿ ոլորտի ներկայացուցիչների համար։

Բաց մի՛ թողեք սովորելու Ձեր հնարավորությունը։ Եթե ուզում եք սկսել կամ զարգացնել Ձեր գիտելիքները ԿԻԲԵՐԱՆՎՏԱՆԳՈՒԹՅԱՆ ոլորտում, ապա «Քաղաքացիական հաբ» ՀԿ-ն կազմակերպում է հենց այդ թեմայով դասընթաց. Դասընթացի ընթացքում մասնակիցները կծանոթանան բազմաթիվ գործիքների և մոտեցումների, որոնք այժմ լայնորեն կիրառվում են։ Դասընթացավար՝ Արթուր Պապյան Օր՝ Մայիսի 17 Ժամ՝ 11:00 - 14:00 Վայր՝ Սարյան 12, 5-րդ հարկ, ԹԻՀԿ գրասենյակ. Դասընթացը նախատեսված է ԱՐՑԱԽՅԱՆ ՀԿ ոլորտի ներկայացուցիչների համար, սակայն կարող են մասնակցության հայտ ուղարկել նաև անհատներ։ Գրանցվելու համար https://forms.gle/zSfc736CudgFZKYBA

Նոր դասընթաց ունենք Ուզու՞մ ես մտածել քննադատաբար, վերլուծել, գնահատել և բարելավել մտածողությունդ, ապա ուրախ ենք տեղեկացնել, որ «Քաղաքացիական հաբ» ՀԿ-ն կազմակերպում է քննադատական մտածողության դասընթաց. Դասընթացավար՝ Միքայել Հովհաննիսյան Օրը՝ Փետրվարի 17 Ժամը՝ 12:00 - 14:30 Վայրը՝ Սարյան 12, 5-րդ հարկ, ԹԻՀԿ գրասենյակ. Հետաքրքրե՞ց ուրեմն շտապիր գրանցվել դասընթացին լրացնելով հետևյալ հայտադիմումը։

Սույն թվականի, հունվարի 19-21-ը «Քաղաքացիական հաբ» ՀԿ-ն ԹԻՀԿ-ի հետ համատեղ կազմակերպել է ֆորում, որի ընթացքում քննարկվել և մշակվել է ռազմավարություն «Քաղաքացիական հաբ» ՀԿ-ի հետագա անելիքների հետ կապված։ Քննարկումների արդյունքում որոշում կայացվեց վերաբացել «Քաղաքացիական հաբ» ՀԿ-ն և շարունակել գործունեությունը ՀՀ-ում։ Ինչպես նաև ֆորումի ընթացքում իրականացվել են տարբեր ոլորտային հանդիպում-քննարկումներ, մասնավորապես՝ ՀՀ միգրացիայի ծառայության պետ՝ Արմեն Ղազարյանի հետ իրականացվել է քննարկում՝ արցախահայերի կարգավիճակի, իրավական հարցերի և աջակցության ծրագրերի շուրջ։ հոգեբան՝ Սոնա Մանուսյանի հետ քննարկվել է հոգեբանական տրավմաների առաջացման պատճառները, ազդեցությունը և դրանց հաղթահարումը։ ԹԻՀԿ խորհրդի անդամ՝ Իզաբելլա Սարգսյանի հետ իրականացվել է քննարկում ՀՀ -ում քաղաքացիական հասարակության դերի և կարևորության հետ կապված։ «Թարգիր Լաո» փոդքասթի հաղորդավարներ՝ Կարպիս Փաշոյանի և Գոռ Մադոյանի հետ իրականացվել է քննարկում տարբեր թեմա

«Քաղաքացիական հաբ» ՀԿ-ի կողմից կազմակերպած «Քո իրավունքը» իրավական դպրոց ծրագրի շրջանակում կատարվել է «Ադրբեջանի կողմից Արցախի (Լեռնային Ղարաբաղի) շրջափակման հետևանքով աշխատանքային իրավունքների խախտումները» թեմայով հետազոտական աշխատանք։ Հետազոտական աշխատանքը կատարվել է մինչև 2023 թ․-ի սեպտեմբերի 10-ն ընկած ժամանակահատվածում, և տեղ գտած փաստերն ու իրադարձությունները ներկայացնում են այդ օրվա իրավիճակը՝ չներառելով հաջորդող պատերազմն ու Ադրբեջանի կողմից իրականացված Արցախի Էթնիկ զտումը։

Սույն հետազոտությունը համապարփակ կերպով ներկայացնում է Ադրբեջանի կողմից Արցախի շրջափակման հետևանքով երեխաների իրավունքների խախտումները, որոնք արձանագրվել են շրջափակման 9 ամսվա ընթացքում: Աշխատանքն իրականացվել է մինչև 2023թ. սեպտեմբերի 15-ը, այդ պատճառով ներկայացված չեն սեպտեմբերի 19-ից Ադրբեջանի կողմից սանձազերված պատերազմը և դրա հետևանքով առաջացած մարդու իրավունքների խախտումներն ու իրականություն դարձած էթնիկ զտումները։ Աշխատանքում շրջափակումը, հումանիտար իրավիճակն ու այլ իրողություններ ներկայացված են ներկա ժամանակով, երբ իրականացվել է հետազոտությունը։

Սեպտեմբերի 1-ին Արցախի դպրոցներում մեկնարկեց ուսումնական տարին։ Հազարավոր փոքրիկներ գնացին դպրոց առանց գրենական պիտույքների։Վիկտորիան իր սիրելի LOL տիկնիկի նկարով տետրը չի գտել, գույնզգույն գրիչներ, թղթեր, սոսինձ ու ռետին նույնպես։ Իրենց բակից պոկած ծաղիկներով եկել է դպրոց ու երկար մտածում է, թե ուսուցիչներից ում նվիրի։Արցախում դասերի մեկնարկից հետո մշտադիտարկում է իրականացվելու, և համակողմանի վերլուծության արդյունքում ընդունվելու են համապատասխան իրավիճակային լուծումներ` ընդհուպ մինչև դասապրոցեսի դադարեցում։

«The voice of blockaded Artsakh» շարքի 6-րդ էպիզոդը պատմում է շրջափակման մեջ գտնվող՝ առողջական լուրջ խնդիրներ ունեցող մարդկանց մասին: Տիկին Զեմֆիրան 15 տարի է տառապում է շաքարային դիաբետով: Շրջափակման պայմաններում նրա կյանքն ու իրեն առնչվող խնդիրները անտանելի են դարձել: Հատուկ սննդակարգի հետևել չի ստացվում, սնվում է նրանով ինչ հաջողվում է հայթհայթել առկա սուղ պայմաններում: Ճնշումը ամեն օր բարձրանում է, որից էլ հաճախ գիտակցությունը կորցնում է: Հերթական անգամ ուշաթափվել է օրեր առաջ հացի հերթում՝ աչքերը բացել է «Շտապ օգնության» խմբի ջանքերի շնորհիվ:

«The voice of blockaded Artsakh» շարքի 5-րդ էպիզոդը պարենային անվտանգության խնդիրը սեփական ջանքերով լուծելու փորձերի մասին է։ Արդեն իսկ շրջափակման պայմաններում հազարավոր արցախցիներ էլ ավելի մեծ ջանքերով սկսեցին զբաղվել բանջարաբոստանային կուլտուրաների մշակմամբ՝ ապահովելու պարենային զամբյուղի գոնե իրենց ու մերձավորներին հասանելիք չափաբաժինը։ Շատերի հողատարածքը տնից կիլոմետրերով հեռու է, որն էլ բույսերի մշակման ամենամեծ խնդիրը դարձավ։ Վառելիքի խիստ սուղ պաշարները հնարավորություն չտվեցին խնամել բույսերն ու բերք հավաքել։

Օգոստոսի 14-ին կազմակերպվել է այս անգամ ԱՀ Մարդու իրավունքների պաշտպան Գեղամ Ստեփանյանի հետ։ «Քո իրավունքը» իրավական դպրոցի հերթական հանդիպումը Հանդիպումը եղել է բավականին բովանդակալից, մասնակիցները խոսնակին են ուղղել իրենց հուզող հարցերը և ստացել սպառիչ պատասխաններ։Հանդիպման ընթացքում պաշտպանը մանրաասն խոսել է հատկապես տարածքային ամնողջականության և ազգերի ինքնորոշման իրավունքից ընդգծելով դրա հիմնական բովանդակային առանձնահատկությունները Արցախյան կոնֆլիկտի համատեքստում։Միջոցառման ընթացքում քննարկվել են նաև հետևյալ հարցերը `1. Արդյո՞ք Ադրբեջանն ունի տիտղոս Արցախի տարածքի նկատմամբ2. Ինչպե՞ս է մեկնաբանվել ինքնորոշման իրավունքը. Ներքին և արտաքին ինքնորոշում3. Արդյո՞ք ԱՀ համապատասխանում է պետության համար միջազգային իրավունքով սահմանված հատկանիշներին4. Արդյո՞ք Արցախյան շարժումը կարող է համարվել «ներքին» ինքնորոշման իրացման եղանակ5. Արդյո՞ք Արցախի ժողովուրդը 1991թ. արդեն իսկ ուներ «արտաքին» ինքնորոշման իրավունք