Ուսանողական հետազոտությունների մրցույթի ամփոփում

2022թ. Սեպտեմբերի 6-ին «Քաղաքացիական հաբ» հասարակական կազմակերպությունը, համագործակցելով Արցախի Պետական Համալսարանի հետ, հայտարարեց հետազոտական աշխատանքների մրցույթ։ Մրցույթը նախատեսված է Արցախի Պետական Համալսարանի ուսանողների համար։ Ծրագրի հիմնական նպատակն է ուսանողների մոտ զարգացնել հետազոտական և վերլուծական մտքի կարողությունները՝ միևնույն ժամանակ աշխատելով տարբեր աղբյուրների հետ։

Հետազոտական աշխատանքները նախատեսված էին իրականացնել 5 թեմաներով՝

• Արցախի հարցի իրավական լուծում,
• Անվտանգ Արցախի տեսլական,
• Արցախի Հանրապետության ձեռքբերումներն ու բացթողումները հակամարտության համատեքստում,
• Մարդու իրավունքների հիմնախնդիրներն ու լուծումներն Արցախում,
• Կոռուպցիայի հիմնախնդիրներն ու լուծումներն Արցախում։

Մրցույթին դիմած ուսանողներից ընտրվեցին հինգը, որոնք իրենց հետազոտությունները պետք է ավարտեն մինչև 2023 թվականի հունվարի 31-ը։ Այնուհետև նախատեսված է հետազոտությունների ներկայացումը Արցախի պետական համալսարանում։

Մրցույթի մասին Արցախի Հանրային Հեռուստատեսության հաղորդումը: